كــرات المــارس ( يتكون من 3مكونات فقط ) بالخطوات المصورة

هلا بنات ،، اليوم سويت لكم حلى سهل وبسيط جدا ولذيييييييذ ومحتوياته متوفرة في كل بيت وكل جمعية وكل سوبر ماركت وكل بقالة ،، يعني لو ما تقدرون تطلعون ،، اتصلوا عالبقالة وبيوصله لكم هههههههههه يالله كل وحدة تتصل بالبقالة الحين وتطلب منه المكونات وتسويه وتخبرني كيف طلع وياها ههع ،، ترا ما ياخذ من وقتج شي

صدقوني كل ما سويتها كل وحدة تاخذ مقاديرها بالضبط عشان تبيه يطلع نفس الشي ،، ومعروف عن هالحلى أن الأولاد والشباب يحبونه وااايد

وهو حلى يصلح للأعياد لانه يتم عندج كم يوم وما يتأثر طعمه

طبعا شي وايد. يعرفون يسوونها لأنه حلى معروف بعض الشيء

كـــرات المــارس

المقادير:مثل ما قلتلكم يتكون من 3 مكونات فقط ..

6 حبات كاكاو مارس الحجم الكبير طبعا ..

2 ملعقة طعام زبدة .. ( وممكن 1 ملعقة طعام يعني على حسب الرغبة )

1 كوب ونص كورن فلكس الأرز بالشوكولاتة ..

وهذا الكورن فلكس من قريب للي ما تعرفه

بالأضافة إلى فستق مطحون للتغطية ( وممكن استبداله بالنارجيل أو أي شي تحبونه ،، بس الفستق غييييير ^^ )

الطريقة :نضع قدر صغير في حمام مائي ونسيح فيه الزبدة .. ( ضرووووري الحمام المائي والا شغلج كله بيخترب )

.

عقب نضيف المارس ..

ونقلبهم ..

ونستمر بالتقليب ..

حتى يذوب المارس تماما ..

ويستوي جي ..

ونرفعه من على النار ..

نضيف الكورن فلكس ..

ونقلبهم .. وعقب نخليه يبرد شوي ..

نكور الخلطة باليد بهالحجم .. (أنا الصراحة ما اصبر ،، وانا قاعدة اكوره كل شوي اكل منه )

ونقلبه في الفستق المطحون ..

ونحطه في الأكواب الورقية الصغيرة .. وهذا شكله ..

وهذا عقب ما حطيته في صحن التقديم .. ( يفضل تقدمينه عقب نص ساعة اقل شي عشان المكونات تتخمر مع بعض عدل )

وبالعافية عليكم وعلي ،، ودعواتكم لي بالتوفيق والهداية ..

كــرات المــارس ( يتكون من 3مكونات فقط ) بالخطوات المصورة 172460

بارك الله فيك وجزاكي الله خير الجزاء
على الطرح المميز وعلى
تقبلي مروري وتقديري
كــرات المــارس ( يتكون من 3مكونات فقط ) بالخطوات المصورة 240814

العفو منوره غاليتي الموضوع