الفرق بين سواقة الولد والبنت

مرحباااا....الخ

كيفكون انشالله منيحين انشالله دوم

المهم

ادري انكم تموتون على الفرق بين البنات والشباب لذالك قلت لازم اخليهم ينبسطو

هناك عدت فروق مابين سواقت الحريم والرجال فيما لو ان الحريم ساقوا عندنا
وقلت خليني اسوي مقارنه مابينهم وصراحه طلعت بنتايج حلوه :
- مشاوير
الرجال الى: الدوام + البيت + البقاله + الاستراحه .
مشاوير الحريم: الكوفيره + المشغل + السوق + عزاء + زواج .

- الاغراض المتواجده دائما في السياره :
في سيارة الشباب : شماغ على كرسي + عقال + مناديل معفنه+ قطف دخان ..
سياره الحريم :نقاب + طرحه + مناديل كلها روج + لبان +كعب مكسور+ مجلة سيدتي.

- في تكاية الكرسي :
سيارة الشباب: اشرطة + بكت دخان + ولاعه + مسواك + ورقة بلوت .
سيارة الحريم : روج+ كحل + حلاوه نعناع + مثبت شعر+ + مشط مليانه شعر .

شنطة السياره :
سيارة الشباب: اوراق وكتب الجامعه + علبة فيري منكبه + معسل + ملابس من اخر طلعت بحر.
سيارة الحريم: قاروره مقري فيها + مزيل عرق + فازلين + مرطب+ حبل غسيل .

السوالف في السياره:
الشباب : كيف الاسهم اليوم ؟ شفتوا مباراة الهلال ؟ الدكتور اليوم ماحضر؟
الحريم : يووو ماشفتي فلااانه ترى سقطت ياحسسسسسره ؟ شفت فلانه لابسه الماس يوو تقولين كانها زوجها يغرف فلوس من بير؟

- اذا بيعبي بنزين:
الرجال : عب فل ياصديق!!
الحرمه : عب ب40 بنزين وبخمسه موية لقاح!!

- عند التقاطع :
الشباب :ما يطالع يمين ويسار الا نادرا .
الحريم :تطالع يمين ويسار 20 مره .

- اثناء السياقه :
الشباب : مّبعد الكرسي لين اخره كانه منسدح وهو يسوق .
الحريم : ملزقة مقربة الكرسي لين اخره كانها سواق لموزين.

اثناء الانتظار عند اشارة المرور:
الشباب : يلعب بخشمه ويحك في نفسه اول مايقوم من النوم.
البنات : تصلح شعرها.

- وضع الجسم اثناء السياقة:
الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الشباك.
الحريم : متشعبطه في الدركسون بشكل كانه طوق نجات.

- اثناء السياقه وجا بيسلم على صديق:
الشباب : يضرب بوري خفيف او كبسه او غمزه.
البنات : تعلق عالبوري , وتقول: سارا حبيبتي وش اخبارك

- اثناء كتابه المخالفه :
الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها . وهوا قاطعها.
البنات : بلييز الله يخليك لأهلك لا تعطيني مخالفه بليز بليز,, وهي قاعد تتنقز .

- اثناء الحادث :
الشباب : وش في امك انت ماتشوف زي الناس ؟
البنات : سوري بس شكلك ياحرام ماشفتني وانا معطيتك اشاره

- اثناء السواقه و أحد السيارات حدك :
الشباب : اسفط على جنب يابن ال؟؟؟ انا اعلمك وش لون تسوق يا ولد ال ؟؟؟؟, وين العصايه وشايل عصاية البيسبول في السياره بس؟
الحريم : ياحكييييييييييير يا حكييييير ماتشوف زين , روح يارب تصدم في لمبه انشالله.

- اثناء التفتيش:
العسكري لشباب : الرخصه والاستماره ووقف على جنب وفك التظليله؟
العسكري للبنات : يلعن ام الحياة ياشيخه روحي الله معاكي وانتبي من الطريق؟

- اثناء السياقه واحد البزوره يصيح :
الشباب : كل تبن ويالله انطم لا اوقف الطشك بالعقال ياللله!!<= يتكلم وهو يتفل

الحريم : يالله, بابا خلاص لاتصيح عشان اشتري لك حلاوه ؟

وتقلوا تحياتي

السلام عليكم
موضوع وطرح رائع ومفيد

بارك الله فيك على المعلومات القيمة
واصل تميزك معنا ولا تحرمينا جديدك
تحياتي

» الفرق بين الانترنت وحماتك
» الفرق بين النبي والرسول
» الفرق بين "الخاطرة" و "الشعر"
» الفرق بين "الخاطرة" و "الشعر"
» ما الفرق بين الحمد لله والشكر لله